E Breizh ez eo unan eus elfennoù al liorzhoù-iliz. Ar blasenn-iliz eo an dachenn, geotet pe get, a zo en-dro d’un iliz, d’ur chapel pe d’ur feunteun. Peurliesañ e vez bevennet gant ur voger-dro pe war ar maez gant ur c’hleuz en-dro da chapelioù bihanoc’h. Ul lec’h relijiel e c’hell bezañ ivez, un niver bras a bardonioù a zo dalc’het eno.
Implijet e vez muioc’h-mui ar ger "plasenn-iliz" pa vez liammet ouzh al liorzhoù-iliz gant ar sell dibar taolet warno en XXvet kantved, da lavaret eo, pa seller outo en o fezh : ar voger-dro, an iliz, ar c’halvar, ar garnel, ar volz-enor, ar vered er blasenn-iliz, hag a-wechoù ur chapel hag ur feunteun ouzhpenn.
E-giz-se, e dibenn ar XVIIvet kantved, un diskrivadur eus foar Sizun a ziskouez ar blasenn-iliz evel al lec’h m’emañ stalioù ar varc’hadourien.
Luc’hskeudenn : Chapel santez-Anna hag he flasenn-iliz e Lambaol-Gwimilio.
