| Anvioù all | Paol Aorelian, Pôl |
| Lec’hioù ha mare | E Bro-Leon, Breizh Arvorig, VIvet kantved |
| Renabl | Levr-merzherien roman |
| Arouezioù | Un dragon dalc’het gant e stolenn |
| Gouel | Lidet e vez d’an 12 a viz Meurzh |
| Buhezskridoù ar sent |
| Kontet e vez sant Paol evel ar c’hentañ eskob Leon hag unan eus ar seizh diazezer santel Breizh. Ganet e oa war-dro 480 e Penychen er c’hreisteiz da Vro-Gembre. Bez e oa un diskibl eus sant Ildut evel Divi, Gweltaz ha Samzun a en em gave asambles gantañ. Savet da veleg, e nac’has e garg eskob Bro-Kerne e Breizh-Veur evit dont da brezeg an Aviel en Arvorig. Douarañ a reas en Enez-Eusa e 517 hag e savas eno manati Lambaol. Degouezhet e Lambaol-Plouarzhel, e savas eno ur manati nevez hag unan all e Lambaol-Gwitalmeze goude-se. Diwar c’houlenn e genderv, ar c’hont Wilthur, en defe dieubiñ an Enez-Vaz diouzh un dragon euzhus hag a daole ar spont dre ar vro. Wilthur a roas dezhañ ur c’hastell kozh roman hag a zo deuet da vezañ Kastell-Paol. Mervel a reas d’an 12 a viz Meurzh en e ermitaj e Baz. (Daveoù : diocese-quimper.fr, Nominis, Bernard Rio) |
| Azeulidigezh |
| Sant patron eskopti kozh Leon hag iliz-veur Kastell-Paol. Aspedet e vefe a-enep ar gwalleurioù publik. (dave : Bernard Rio) |
| Lec’hioù ma vez enoret sant Paol e traoñienn an Elorn |
| Bodiliz > Iliz — keur : delwenn e koad lieslivet Lambaol-Gwimilio > Iliz — talbenn ar porched : delwenn e kersanton, XVI vet, Bastian Prijant > Iliz — kolonenn e tu kreisteiz d’ar c’heur : delwenn e koad lieslivet, dibenn ar XVIvet Landivizio > Iliz — diabarzh – koad lieslivet Sant-Divi > Iliz — kazel ar c’hreisteiz : gwer-livet, stal-labour Rault, 1931 Sant-Servez > Iliz — chapel-vadeziñ : delwennig, koad lieslivet |