Luc’hskeudenn : Dirinonn, stern-aoter an Drinded,
penn kentañ an XVIIIvet kantved


 

Anvioù all Kaourintin, Caour
Lec’hioù ha mare Bro-Gerne, Breizh Arvorig : IVvet – Vvet kantved
Renabl Levr-merzherien roman
Arouezioù Ur pesk, tog-eskob ha bazh-eskob
Gouel Lidet e vez d’an 12 a viz Kerzu
Buhezskridoù sent Breizh
Ganet e oa bet e Kerne Arvorig e 375. En em dennañ a reas e Koad Neved ha sevel a reas e beniti e Ploudiern e-kichen ur feunteun ma veve ur pesk burzhudus enni. Bemdez, hervez ar vojenn, e troc’he Kaourantin un drailhenn eus ar pesk-se hag a-benn an deiz war-lerc’h e veze en e bezh adarre.
Ar roue Gralon a gasas ar manac’h da Deurgn evit bezañ kensakret eskob gant sant Varzhin hag a savas sez eskobel Kemper evitañ. Dre an istor, e voe anavezet evel eskob kentañ Kemper e Sened-iliz Angers e 453.
Mervel a reas d’an 12 a viz Kerzu 460.
(daveoù : buhezioù ar sent)
Azeulerezh
Sant patron Kemper ; anvet Kemper-Kaourantin gwechall.
Aspedet e vez evit pareañ dalled, mudien, bouzared, jilgammed, tud perc’hennet.
Lec’hioù ma vez enoret e traoñienn an Elorn.
Dirinonn
> Iliz Santez-Nonn – stern-aoter an Drinded : delwenn e koad lieslivet hag aouret, penn kentañ an XVIII vet kantved.

> Iliz Santez-Nonn – Lambruskoù livet, 1715, gant Pierre Bechennec ha François de Launay.

Logeginer-Plouziri
> Iliz Sant-Eginer – sant Kaourintin, gwerenn-livet, XXvetkantved.

Penn-ar-C’hrann
> Iliz Itron-Varia – kazel ar c’hreisteiz : delwenn e maen lieslivet, XVvetkantved.

Sant-Divi
> Iliz Sant-Divi – kazel ar c’hreisteiz, gwerenn-livet, 1931, stal-labour Rault.