Luc’hskeudenn : Keur an iliz Sant-Divi, 1533
| Añvioù all | Divi, Davy, David, Devi, Ivy, Dewi, Avit ... |
| Lec’hioù ha mare | Menevia (Bremañ St David’s e Bro-Gembre) er Vvet (?) ha VIvet kantved |
| Renabl | Levr-merzherien roman |
| Arouezioù | Ur goulm gwenn-kann war e skoaz, ar pour hag ar roz-kamm. |
| Gouel | Lidet e vez d’ar C’hentañ a viz Meurzh |
| Buhezskridoù sent Breizh |
| Sant-Divi eo an anv roet da sant David a v/Menevia, patron Kembre, anavezet ivez evel Ivy, Dewi.. Ganet e oa bet war-dro 500. Anavezout a reer e vuhez dre ur skrid savet e Kembre en XIVvet kantved, Buchedd Dewi (Buhez Divi). Mab e vije bet da Santus, ur roue eus Ceredigion, a oa e-unan mab Ceredig, ha da santez Nonn. Diskibl e voe da sant Ildud ha da sant Paol Aorelian. Abred e teuas dezhañ ar vrud da vezañ ur prezeger helavar. Ar reolenn a roe d’e venec’h a c’houlenne diganto labourat gant o daouarn evit ober pinijenn. Distreiñ a raent d’ar manati diouzh an noz evit lenn, skrivañ ha pediñ e-pad teir eurvezh. O boued ne oa nemet bara heiz ha legumaj. Ha daoust d’ar reolenn bezañ kalet, e tirede an dud. Alese e skede brud ar sant war ar vro tro-dro ha pelloc’h zoken. Beajiñ a reas tramor ha sevel a reas meur a iliz hag a vanati e kreisteiz Kembre, e Kerne-Veur hag e Breizh. Mervel a reas war-dro 569. Daveoù : David de Ménevie, Divi, Wikipedia. |
| Azeulerezh |
| Sant patron Bro-Gembre E Sant-Divi e veze lavaret e c’helle dour ar feunteun a zo dindan e anv pareañ ar vugale ha pareañ ivez kleñvedoù an daoulagad. |
| Lec’hioù ma vez enoret sant Divi e traoñienn an Elorn |
| Dirinonn Sant patron chapel Sant-Divi > En iliz Santez-Nonn : > Delwenn e Kersanton, dibenn ar XVIIvet kantved gant Jean le Bescont. > Gwerennoù-livet ar c’heur : stal-labour F.Haussaire ha Leon Payan, 1903. > Lambruskoù livet en nev, 1715, gant Pêr Bechennec ha François de Launay. > Sant patron feunteun Sant-Divi : delwenn e kersanton, stal-labour ar Folgoët (?). Sant-Divi Sant patron iliz Sant-Divi : XVIvet kantved. > En iliz Sant Divi : > Keur : delwenn, maen lieslivet, 1533 , lambruskoù livet, 1676, gant Nicolas Floch. > Talbenn ar porched : delwenn e kersanton. > Kroazenn ar c’hreisteiz : gwerenn-livet, stal-labour Lobin, 1866. > Dor al liorzh-iliz : Kalvar : delwenn e kersanton ; 1562, gant Henri Pigent. > Sant patron feunteun Sant-Divi : delwenn e kersanton. |