Ar c’hloc’hdi

Elfennoù oc’h ober ar c’hloc’hdi

1 - Korzenn

2 - Kloc’hdiig-korn

3 - Kambroù ar c’hleier

4 - Pinakl ha skoazelloù-bolz

5 - Garidoù

6 - Tour

Un nebeud skouerioù

Sizun	Ar c’hloc’hdioù stil Kreisker Kloc’hdi chapel Itron-Varia ar C’hreisker e Kastell-Paol eo en deus awenet an doare da sevel ar c’hloc’hdioù-se a zo e-touez ar re uhelañ eus ar C’horn-Bro. An tour, ar c’hleier ennañ, zo frammet gant skoazelloù-bolz tev ha toullet gant digoradurioù bras dezho stumm ul lansetez. Warnañ ez eus ur garidoù gant kloc’hdiouigoù-korn hag ur gorzenn uhel eizhkognek digor war he feder c’hostez.

Ar Roc’h-Morvan	Ar c’hloc’hdioù stil Bro-Leon Stank int e Bro-Leon hag anavezapl dre o c’haridoù war daou estaj a zo tro-dro da gambroù ar c’hleier kinklet gant ur piler gotek e pep korn. Beget eo an tour gant ur gorzenn dantelezet eizhkognek gant pevar c’hloc’hdiig tro-dro dezhi.

Plouziri	Ar c’hloc’hdioù stil Bro-Gerne Heñvel int ouzh ar c’hloc’hdioù stil Bro-Leon met n’eus nemet ur garidoù en-dro d’an tour.

Gwimilio	Ar c’hloc’hdioù stil Beaumanoir Disheñveliñ a reont diouzh ar re all dre an dourell-skalierioù a zo stag ouzh unan eus skoazelloù-bolz an tour pennañ. Aes ha marc’had-mat eo an doare-ober-se a ro tro d’ar parrezioù modestañ da berc’hennañ ur gwir c’hloc’hdi.

Sant-Houardon Landerne	Ar c’hloc’hdioù-dom Dont a reont war wel el Leon adalek an XVIII^vet kantved dindan levezon an Azginivelezh italian er Vro. E plas ar gorzenn c’hotek e kaver leternioù kurunet gant domoù, an eil war-benn egile. E pep korn ez eus leternioù ivez e-lec’h ma gaver ordinal pinakloù-korn.