Delwenn Sant-Fiakr
Ouzh pignon ar chapel e kaver ur gaer a zelwenn eus sant Fiakr o terc’hel e bal, ar pezh a zegas da soñj emañ Dirinonn war ar maez.
Delwenn an Tad Peurbadel
Porched ar c’hreisteiz zo eus 1618 hervez un enskrivadur a gaver a-zioc’h delwenn an "Tad Peurbadel". An delwenn-se he doa servijet da batrom pa voe savet stern-aoter an Drinded, ur c’hantved diwezhatoc’h.
Delwenn ar C’hrist
En diabarzh emañ an daouzek abostol a-steud c’hwec’h a bep tu hag, e goueled ar porched, ar C’hrist o terc’hel boul an hollved en e zorn kleiz.