Kalvar Plougastell
Arz / micher
Kizeller mein
Buhezskrid
Ne anavezer netra ebet diwar e benn, nag ec’h anv, na pegoulz ha pelec’h e vefe ganet pe marvet. Ne anavezer e vuhez nemet dre an niver a oberennoù bet savet gantañ a-hed un hanter-kantved, eus 1570 da 1621. Moarvat e oa staliet e Landerne.
Emmanuelle Le Searc’h * a zisrann e prantad labour e tri mare :

  • mare e yaouankiz, eus 1570 (dor-dal iliz Bodiliz) da 1588 (kroaz Kerangroaz-Sant-Jorj e Plougasnou).
  • mare ma oa o tispakañ e c’houiziegezh, betek kalvar Plougastell (1588-1602).
  • mare ma oa e barr e vleuñv, eus 1602 da 1621
    * Sculpteurs sur pierre en Basse-Bretagne – Presses Universitaires de Rennes, 2014
Oberennoù
E traoñienn an Elorn :
<> Bodiliz – Iliz Itron-varia Bodiliz : diabarzh porched ar c’hreisteiz (1570)
<> Gwimilio – Iliz Sant-Milio : Porched ar c’hreisteiz (peurachuet gant Roland Dore)
<> Ar Merzher :
> Iliz, diabarzh, kazel ar c’hreisteiz : piñsin dour benniget, un ael gant daou sparf
> Iliz, diabarzh porched ar c’hreisteiz : piñsin dour benniget, an Ankoù
<> Landerne – Iliz Sant-Houardon, kazel an hanternoz : sant Jakez ar Major
<> Lanneured – Iliz, talbenn ar porched : delwenn Sant-Gevrog, ar sant patron
<> Lokmelar – Bered : [Kalvar gant div groazenn]
<> Plougastell-Daoulaz :
> Plasenn-iliz : Kalvar bras-divent 167 tudenn ha 10 loen (1588-1602)
> Chapel Sant-Tremeur, kalvar gant sant Andrev war an tu-gin
> Chapel Sant-Adrian, kalvar : an delwennoù gevellet
> Chapel Sant-Tremeur, moger an hanternoz : an Avielour sant Lukaz
<> An Dre-Nevez – Bered, kalvar : Ar [C’hrist war ar groaz]
<> Sant-Servez – Karnel, skoazenn : sant Yann
<> Sant-Tegoneg – E mervent da Gerorven : Kroaz gant ar Werc’hez hag he Mabig
<> Sizun – Ar Voudenn : Kroaz gant sant Andev war an tu-gin