Al liorzh-iliz

Stag eo istor iliz ar Roc’h-Morvan ouzh hini ar c’hastell. Krediñ a reer eo bet savet an iliz a-vremañ war lec’h chapel an aotrounez e penn-kentañ ar XVI^vet kantved. Deiziad koshañ eus an iliz -1539- a zo war ar werenneg-veur, met krog e oa bet he savidigezh a-raok an deiziad-se dre ret. Ar c’hloc’hdi a zoug an deiziad 1589.

Er XVI^vethag er XVII^vet kantved e oa ar Roc’h-Morvan un drev eus parrez Plouziri. Kuzul ar fabrik a dennas gounid eus pinvidigezh ar vro er mare-se, hag ivez eus brokusted ar Rohaned hag ar feizidi evit kas da benn savidigezh al liorzh-iliz.

Kalvar an degemer

N’eus ket amañ a zor-veur en abeg da stumm an dachenn moarvat. Dor ar c’hornôg a zo ur piler eeun a-bep tu dezhi. E tu ar c’hreisteiz, ar bazenn ledan a zoug kroazioù ar C’hrist hag an daou laer, marteze eo bet adlakaet asambles elfennoù dispartiet gwechall. Patrom an teir c’hroaz a gaver ivez e Penn-ar-C’hrann ha Sant-Divi.

Kastell Roc’h-Morvan