Deiziad ar prenestr-mañ zo skrivet e traoñ arvest ar Goan Diwezhañ (2) e sifroù roman : MDXXXIX, da lavaret eo 1539.
Hervez ali an ardamezourien emañ e rouedad uhel ar werenneg (16) skoedoù-ardamez ar familhoù bet kevredet d’ar Roc’haned a-dreuz ar c’hantvedoù … Nemet unan a chom dianavezet ganto. Marteze e kaver aze sinadur an neb en doa pe arc’hantet pe krouet ar skoedoù-ardamez-se e-kreiz an XIXvet kantved.
Dre gustum, e gwerennegoù-meur ar Basion eus ar XVIvet kantved : er chapelioù Itron-Varia ar C’hrann, Gwengad, pe c’hoazh Kerglof, e vez skeudennet, e rouedadoù uhelañ ar werenneg, arvestoù eus mareoù ar Basion o klotañ gant ar re a gaver el lañsetezoù ivez. Hogen, amañ eo bet lakaet ar skoedoù-ardamez en o flas.
Daoust perak e oa bet graet ar cheñchamant-se ? Peseurt darempredoù a oa etre ar Roc’haned ha Napoleon III ?
Savet e oa bet ar werenn-livet en ur stal-labour eus Kemper : an holl istorourien a zo a-du gant se. Ar werenn-livet-se a ro tro da welet pegen pouezus e oa levezonoù an Azginivelezh italian, alaman, ha flamank, hini Albrecht Dürer peurgetket.
| steuñv ar werenn | kinnig luc’hvannoù : Klikit 1añ foto |
|---|
01 – Jezuz oc’h en em gavout e Jeruzalem
02 – Koañ-Fask, pred diwezhañ Jezuz gant e ziskibien
03 – Jezuz o walc’hiñ treid unan eus e ziskibien
04 – E liorzh an Olivez
05 – Pok Judaz
06 – Jezuz dirak ar beleg meur
07 – Jezuz deroet d’an dismegañsoù ha d’an taolioù
08 – Jezuz o vezañ skourjezet
09 – Ar roueelezh dister
10 – Ecce homo : Setu Mab-Den
11 – Jezuz dirak Pilat o walc’hiñ e zaouarn
12 – Jezuz o tougen e groaz
13 – Ar c’hoazstagadur etre an daou laer
14 – Korf Jezuz o vezañ gwalc’het a-raok bezañ sebeliet
15 – Jezuz adsavet a varv da vev
16 – Ardamezioù Roc’haned
